Bulan Sapari
Bulan ati digerih tinggal sapari
Bentang hate dikeset sesa saese
Layung janung kapaut ku pucuk bitung
Curug kalbu ukur lagu liwung gandrung
Harita basa ngucap heunteu wasa
Horeng jiga mawar bodas
Kiwari basa kedal panto hate
Geuning saluyu tina ucapan
waktu munggarang ngajugjug gunung
Nyarita aya nu datang anyar jadi tinimbangan
Basa rek ngojay wahangan nu caina Canembrang
Cenah najan tiheula panto muka kapiheulaan
Tatar Pasundan ,13 juni 2007
Gugun S Gunawan
Daun Puspa
Basa angin tresna neumbag dada
Seungit malati ngadalingding mawa dangding
Salambar-salambar daun puspa ragrag di dinya
Pasir bulistir narik ati pikeun nyungsi
Wahangan nu caina canembrang herang
Disorang bet hariwang bisi aya rangrang
Puncak rasa nu nyangkaruk dina dada
nyaliara sapanjang raga teu walakaya
Gunung nu Endah, 2006
Gugun Sena Gunawan
Sajak sunda
Langganan:
Postingan (Atom)
0 komentar:
Posting Komentar